എണ്ണൂറാം ഗോളടിച്ച് റൊണാൾഡോ; ആഴ്സണലിനെ തോൽപ്പിച്ച് മാഞ്ചസ്റ്റർ യുണൈറ്റഡ്. ടോട്ടനാമിനും ജയം
ഇരട്ട ഗോളോടെ ക്രിസ്റ്റ്യാനോ റൊണാൾഡോ തിളങ്ങിയ മത്സരത്തിൽ മാഞ്ചസ്റ്റർ യുണൈറ്റഡ് ആഴ്സണലിനെ രണ്ടിനെതിരെ മൂന്ന് ഗോളിന് തോൽപ്പിച്ചു. രാജ്യത്തിനും ക്ലബ്ബിനും വേണ്ടി റൊണാൾഡോ 800 ഗോൾ തികച്ച മത്സരത്തിൽ ബ്രൂണോ ഫെർണാണ്ടസ്, സ്മിത്ത് റോവ്, ഓഡേഗാർഡ് എന്നിവരും സ്കോർ ചെയ്തു.
Our minds are already set on the next game, there’s no time to celebrate! Today’s win was very important to get back on track, but there’s still a long road to go until we reach our destination… Congrats to all my teammates, great spirit tonight! 🙏🏽💪🏽 pic.twitter.com/XUFsOOGlws
— Cristiano Ronaldo (@Cristiano) December 2, 2021
കളിയുടെ 13ാം മിനിറ്റിലാണ് ആഴ്സണൽ ആദ്യ ഗോളടിക്കുന്നത്. സ്മിത്ത് റോവിന്റെ ഷോട്ട് വലയിലേക്ക് കയറുമ്പോൾ ഗോൾകീപ്പർ ഡേവിഡ് ഗിഹിയ പരിക്കേറ്റ് നിലത്ത് കിടക്കുകയായിരുന്നു. എന്നാൽ സ്വന്തം ടീമിലെ കളിക്കാരനുമായി ഇടിച്ചാണ് ഗോളി വീണത് എന്നതിനാൽ വി.എ.ആർ അത് ഗോളാണെന്ന് വിധിച്ചു. ഒന്നാം പകുതി അവസാനിക്കുന്നതിന് തൊട്ടുമുന്നെ ഫ്രെഡിന്റെ പാസിൽ നിന്നും ബ്രൂണോ ഫെർണാണ്ടസ് ഗോൾ നേടി. രണ്ടാം പകുതിയിൽ റാഷ്ഫോഡിന്റെ പാസിൽ നിന്നും ക്രിസ്റ്റ്യാനൊ റൊണാൾഡോ തന്റെ കരിയറിലെ 800ാം ഗോൾ നേടി. എന്നാൽ രണ്ട് മിനിറ്റുകൾക്കിപ്പുറം ഓഡേഗാർഡ് ആഴ്സണലിന് സമനില നേടിക്കൊടുത്തു. എഴുപതാം മിനിറ്റിൽ ഫ്രെഡ് വി.എ.ആർ വഴി സ്വന്തമാക്കിയ പെനാൽറ്റി റൊണാൾഡോ ഗോളാക്കി മാറ്റി. 14 കളികളിൽ നിന്നും അഞ്ചാം സ്ഥാനത്ത് നിൽക്കുന്ന ആഴ്സണലിന് 23 പോയിന്റും ഏഴാം സ്ഥാനത്ത് നിൽക്കുന്ന യുണൈറ്റഡിന് 21 പോയിന്റും ഉണ്ട്.
ബ്രന്റ്ഫോഡിനെ എതിരില്ലാത്ത രണ്ട് ഗോളുകൾക്കാണ് ടോട്ടനം ഹോട്സ്പർസ് തോൽപ്പിച്ചത്. ആദ്യ ഗോൾ ബീസിന്റെ വലത് വിങ്ങ് ബാക്ക് സെർജി കാനോസിന്റെ ഓൺഗോൾ ആയിരുന്നെങ്കിൽ രണ്ടാം ഗോൾ നേടിയത് സൺ ഹ്യൂങ് മിൻ ആണ്. 13 കളികളിൽ നിന്നും 22 പോയിന്റോടെ സ്പർസ് ആറാം സ്ഥാനത്താണ്.
