നമീബിയയെ 9 വിക്കറ്റിന് തകർത്തു. ടി20 നായകസ്ഥാനത്ത് നിന്നും കോഹ്‌ലി ഒഴിഞ്ഞു

ലോകകപ്പ്  ടി20 സൂപ്പർ 12ലെ അവസാന മത്സരത്തിൽ ഇന്ത്യ 9 വിക്കറ്റിന് നമീബിയയെ പരാജയപ്പെടുത്തി. ആദ്യം ബാറ്റ്  ചെയ്ത നമീബിയ ഉയർത്തിയ 133 എന്ന ലക്ഷ്യം 16ആം ഓവറിൽ ഒരു വിക്കറ്റ് നഷ്ടത്തിൽ ഇന്ത്യ മറികടന്നു. 37 പന്തിൽ 56 റൺസ് നേടിയ രോഹിത് ആണ് പുറത്തായത്. രാഹുൽ 36 പന്തിൽ 54 റൺസും സൂര്യകുമാർ യാദവ് 19 പന്തിൽ 25 റൺസും നേടി പുറത്താകാതെ നിന്നു. 

ടോസ് നേടിയ ഇന്ത്യ ഫീൽഡിങ് ആണ് തിരഞ്ഞെടുത്തത്. നല്ല തുടക്കം നമീബിയക്ക് കിട്ടി എങ്കിലും അത് മുതലാക്കാൻ ആയില്ല. സ്കോർ 33ൽ നിൽക്കെ ആദ്യ വിക്കറ്റ് വീണു. പിന്നീട് കൃത്യമായി വിക്കറ്റുകൾ വീണുകൊണ്ടിരുന്നു. ജഡേജ, അശ്വിൻ എന്നിവർ 3 വിക്കറ്റ് വീതം വീഴ്ത്തി. ബുംമ്ര 2 വിക്കറ്റും നേടി. 

നമീബിയൻ നിരയിൽ 26 റൺസ് എടുത്ത വീസെ ആണ് ടോപ്പ് സ്‌കോറർ.

ഈ മത്സരത്തോടെ രവിശാസ്ത്രിയുടെ പരിശീലക കാലാവധി അവസാനിച്ചു. ഇനി രാഹുൽ ദ്രാവിഡ് ഇന്ത്യൻ ടീമിനെ നയിക്കും. ടി20 നായകൻ ആയിട്ടുള്ള കോഹ്‌ലിയുടെയും അവസാന മത്സരം ആയിരുന്നു ഇത്.