സംസ്ഥാനത്ത് ഇന്ന് 160 പേര്ക്ക് കോവിഡ് സ്ഥിരീകരിച്ചു; 202 പേര്ക്ക് രോഗമുക്തി
സംസ്ഥാനത്ത് ഇന്ന് 160 പേര്ക്ക് കൂടി കോവിഡ് സ്ഥിരീകരിച്ചു. പത്തനംതിട്ട ജില്ലയില് 27 പേര്ക്കും, മലപ്പുറം ജില്ലയില് 24 പേര്ക്കും, പാലക്കാട് ജില്ലയില് 18 പേര്ക്കും, ആലപ്പുഴ ജില്ലയില് 16 പേര്ക്കും, തിരുവനന്തപുരം, കൊല്ലം, കോട്ടയം, എറണാകുളം, തൃശൂര്, കണ്ണൂര് ജില്ലകളില് 9 പേര്ക്ക് വീതവും ഇടുക്കി ജില്ലയില് 8 പേര്ക്കും, കോഴിക്കോട് ജില്ലയില് 7 പേര്ക്കും, കാസര്കോട് ജില്ലയില് 5 പേര്ക്കും, വയനാട് ജില്ലയില് ഒരാള്ക്കുമാണ് ഇന്ന് രോഗ ബാധ സ്ഥിരീകരിച്ചത്.
സംസ്ഥാനത്ത് ഏറ്റവും കൂടുതല് ആളുകള് രോഗമുക്തരായ ദിവസം കൂടിയാണ് ഇന്ന്. 202 പേരുടെ പരിശോധനാഫലമാണ് നെഗറ്റീവ് ആയത്. ഇന്ന് രോഗം സ്ഥിരീകരിച്ചവരില് 106 പേര് വിദേശത്ത് നിന്നെത്തിയവരാണ്. 40 പേര് മറ്റു സംസ്ഥാനങ്ങളില് നിന്നെത്തി. സമ്പര്ക്കത്തിലൂടെ 14 പേര്ക്കാണ് രോഗം ബാധിച്ചത്. ആലപ്പുഴ ജില്ലകളില് 5 പേര്ക്കും തിരുവനന്തപുരം, എറണാകുളം ജില്ലയില് 4 പേര്ക്ക് വീതവം കോട്ടയം ജില്ലയിലെ ഒരാള്ക്കുമാണ് സമ്പര്ക്കത്തിലൂടെ രോഗം ബാധിച്ചത്.
വിവിധ ജില്ലകളിലായ 1,78,099 പേര് ഇപ്പോള് നിരീക്ഷണത്തിലുണ്ട്. 18,790 പേരെ നിരീക്ഷണത്തില് നിന്ന് ഒഴിവാക്കി. 1,75,111 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 2988 പേര് ആശുപത്രികളിലുമാണ് കഴിയുന്നത്. ഇന്ന് മൂന്ന് പ്രദേശങ്ങളെക്കൂടി ഹോട്ട്സ്പോട്ട് ആയി പ്രഖ്യാപിച്ചു. മൂന്ന് പ്രദേശങ്ങളെ ഒഴിവാക്കിയിട്ടുണ്ട്. 123 ഹോട്ട്സ്പോട്ടുകളാണ് നിലവിലുള്ളത്.