ഇന്ന് 42 പേര്ക്ക് കോവിഡ് സ്ഥിരീകരിച്ചു; സംസ്ഥാനത്തെ ഏറ്റവും ഉയര്ന്ന നിരക്ക്
തിരുവനന്തപുരം: സംസ്ഥാനത്ത് ഇന്ന് 42 പേര്ക്ക് കോവിഡ് സ്ഥിരീകരിച്ചു. സംസ്ഥാനത്ത് ഒരു ദിവസം റിപ്പോര്ട്ട് ചെയ്യപ്പെടുന്ന ഏറ്റവും ഉയര്ന്ന നിരക്കാണ് ഇത്. കണ്ണൂരില് 12 പേര്ക്കും കാസര്കോട് 7 പേര്ക്കും കോഴിക്കോട്, പാലക്കാട് ജില്ലകളില് 5 പേര്ക്ക് വീതവും തൃശൂര്, മലപ്പുറം ജില്ലകളില് 4 പേര്ക്ക് വീതവും കോട്ടയത്ത് 2 പേര്ക്കും പത്തനംതിട്ട, വയനാട് ജില്ലകളില് ഓരോരുത്തര്ക്ക് വീതവുമാണ് രോഗബാധ സ്ഥിരീകരിച്ചത്. രോഗബാധിതരില് 21 പേര് മഹാരാഷ്ട്രയില് നിന്നെത്തിയതാണ്. ഇന്ന് 2 പേര് രോഗമുക്തി നേടിയെന്നും മുഖ്യമന്ത്രി വാര്ത്താസമ്മേളനത്തില് പറഞ്ഞു.
വിദേശത്ത് നിന്നെത്തിയ 17 പേര്ക്കാണ് രോഗം സ്ഥിരീകരിച്ചത്. തമിഴ്നാട്, ആന്ധ്രാപ്രദേശ് എന്നിവിടങ്ങളില് നിന്നെത്തിയ ഓരോരുത്തര്ക്കും രോഗബാധ സ്ഥിരീകരിച്ചു. കോഴിക്കോട് ആരോഗ്യപ്രവര്ത്തകയ്ക്ക് രോഗം സ്ഥിരീകരിച്ചു. കണ്ണൂരില് ഒരാള്ക്ക് സമ്പര്ക്കത്തിലൂടെ രോഗം പകര്ന്നു. ഇതോടെ സംസ്ഥാനത്ത് കോവിഡ് സ്ഥിരീകരിച്ചവരുടെ എണ്ണം 738 ആയി ഉയര്ന്നു. 216 പേരാണ് നിലവില് ചികിത്സയിലുള്ളത്.
84258 പേരാണ് ഇപ്പോള് നിരീക്ഷണത്തിലുള്ളത്. ഇവരില് 609 പേര് ആശുപത്രികളിലും 83649 പേര് വീടുകളിലും ക്വാറന്റൈന് സെന്ററുകളിലും നിരീക്ഷണത്തിലാണ്. ഇന്ന് 162 പേരെ ആശുപത്രിയില് പ്രവേശിപ്പിച്ചു. 51310 സാമ്പിളുകളാണ് ഇതുവരെ പരിശോധനയ്ക്ക് അയച്ചത്. ഇവയില് 49535 എണ്ണം നെഗറ്റീവ് ആയി.