സംസ്ഥാനത്ത് ഇന്ന് 24 പേര്ക്ക് കോവിഡ് സ്ഥിരീകരിച്ചു; 8 പേര്ക്ക് രോഗമുക്തി
സംസ്ഥാനത്ത് ഇന്ന് 24 പേര്ക്ക് കോവിഡ്-19 സ്ഥിരീകരിച്ചു. മലപ്പുറം ജില്ലയില് നിന്നുള്ള 5 പേര്ക്കും കണ്ണൂര് ജില്ലയില് നിന്നുള്ള 4 പേര്ക്കും കോട്ടയം, തൃശൂര് ജില്ലകളില് നിന്നുള്ള 3 പേര്ക്ക് വീതവും തിരുവനന്തപുരം, കൊല്ലം, ആലപ്പുഴ ജില്ലകളില് നിന്ന് 2 പേര്ക്ക് വീതവും ഇടുക്കി, പാലക്കാട്, കാസര്ഗോഡ് ജില്ലകളില് ഓരോരുത്തര്ക്കുമാണ് രോഗം സ്ഥിരീകരിച്ചത്.
ഇന്ന് രോഗം സ്ഥിരീകരിച്ചവരില് 14 പേര് വിദേശത്തു നിന്നെത്തിയവരാണ്. യു.എ.ഇയില് നിന്നെത്തിയ 8 പേര്ക്കും കുവൈറ്റില് നിന്നെത്തിയ 4 പേര്ക്കും ഖത്തര്, മലേഷ്യ എന്നിവിടങ്ങളില് നിന്നെത്തിയ ഓരോരുത്തര്ക്കും രോഗം സ്ഥിരീകരിച്ചു. 10 പേര് മറ്റ് സംസ്ഥാനങ്ങളില് നിന്നെത്തിയവരാണ്. മഹാരാഷ്ട്ര-5, തമിഴ്നാട്-3, ഗുജറാത്ത്-1, ആന്ധ്രപ്രദേശ്-1 എന്നിങ്ങനെയാണ മറ്റു സംസ്ഥാനങ്ങളില് നിന്നെത്തിയവരുടെ കണക്ക്.
രോഗം സ്ഥിരികരിച്ച് ചികിത്സയിലായിരുന്ന 8 പേരുടെ പരിശോധനാഫലം നെഗറ്റീവ് ആയെന്നും മുഖ്യമന്ത്രി ഫെയിസ്ബുക്ക് പോസ്റ്റില് അറിയിച്ചു. വയനാട് ജില്ലയില് നിന്നും 5 പേരുടെയും, കോട്ടയം, എറണാകുളം, കോഴിക്കോട് ജില്ലകളില് നിന്നും ഒരാളുടെ വീതവും പരിശോധനാഫലമാണ് നെഗറ്റീവ് ആയത്. ഇതില് വയനാട് ജില്ലയിലെ ഒരാളും എറണാകുളത്ത് ചികിത്സയിലുണ്ടായിരുന്നയാളും മലപ്പുറം സ്വദേശികളാണ്. 177 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 510 പേര് രോഗമുക്തരായി.