ഫഹദ് ഫാസിലിന്റെ പേജിലൂടെ പൊങ്കാലയുടെ ടൈറ്റിൽ പോസ്റ്റർ നാളെ പുറത്തിറക്കും.

ശ്രീനാഥ് ഭാസി, ബിബിൻ ജോർജ്  എന്നിവരെ കേന്ദ്ര കഥാപാത്രങ്ങളാക്കി​ ഗ്ലോബൽ പിക്ചേഴ്സ് എന്റർടെയ്ൻമെന്റിന്റെ ബാനറിൽ എ.ബി ബിനിൽ രചനയും സംവിധാനവും നിർവഹിക്കുന്ന പൊങ്കാലയുടെ ടൈറ്റിൽ പോസ്റ്റർ വ്യാഴാഴ്ച്ച പുറത്തിറക്കും. പ്രശസ്ത താരം ഫഹദ് ഫാസിലിന്റെ സോഷ്യൽ മീഡിയ പേജിലൂടെയാണ് പോസ്റ്റർ പുറത്തിറക്കുക. അപ്പാനി ശരത്, ബാബു രാജ് എന്നിവരും പ്രധാന കഥാപാത്രങ്ങളെ അവതരിപ്പിക്കുന്ന ചിത്രത്തിന്റെ ചിത്രീകരണം ഉടൻ ആരംഭിക്കും. ഏറെ ശ്രദ്ധേയമായ വാമനൻ എന്ന ചിത്രത്തിന് ശേഷം ബിനിൽ സംവിധാനം ചെയ്യുന്ന ചിത്രമാണ് പൊങ്കാല. 

2000 കാലഘട്ടത്തിൽ വൈപ്പിൻ, മുനമ്പം തീരപ്രദേശങ്ങളിൽ നടന്ന ഒരു സംഭവകഥയെ ആസ്പദമാക്കിയുള്ളതാണ് ഈ ചിത്രം.
പൂർണ്ണമായും ആക്ഷൻ ഹ്യൂമർ പശ്ചാത്തലത്തിലൂടെ അവതരിപ്പിക്കുന്ന ചിത്രത്തിൽ  സൂര്യാ കൃഷ്ണാ, ഷമ്മി തിലകൻ, ഇന്ദ്രൻസ്, യാമി സോന, ദുർഗാ കൃഷ്ണ, മാർട്ടിൻ, മുരുകൻ, പ്രവീണ എന്നിവരും പ്രധാന വേഷങ്ങളിലെത്തുന്നു.
ഗാനങ്ങൾ - വയലാർ ശരത്ചന്ദ്ര വർമ്മ, സന്തോഷ് വർമ്മ; സംഗീതം - അലക്സ് പോൾ, ഛായാഗ്രഹണം - തരുൺ ഭാസ്ക്കർ, എഡിറ്റിംഗ്- സൂരജ് അയ്യപ്പൻ, കലാസംവിധാനം - ബാവാ, മേക്കപ്പ് - അഖിൽ ടി. രാജ്., കോസ്റ്റ്യും ഡിസൈൻ - സൂര്യാ ശേഖർ, നിർമ്മാണ നിർവഹണം - വിനോദ് പറവൂർ, പിആർ ആന്റ് മാർക്കറ്റിം​ഗ്- കണ്ടന്റ് ഫാക്ടറി.