കോവിഡ് പ്രതിദിന കേസുകള് 8000 കടന്നു; 7695 പേര്ക്ക് സമ്പര്ക്കത്തിലൂടെ
സംസ്ഥാനത്തെ കോവിഡ് പ്രതിദിന കേസുകള് ആദ്യമായി 8000 കടന്നു. ഇന്ന് 8830 പേര്ക്കാണ് രോഗബാധ സ്ഥിരീകരിച്ചത്. 7695 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. എറണാകുളത്ത് ഇന്ന് രോഗികളുടെ എണ്ണം ആയിരത്തിന് മേലാണ്. 1056 പേര്ക്കാണ് ജില്ലയില് രോഗം സ്ഥിരീകരിച്ചത്. തിരുവനന്തപുരം 986, മലപ്പുറം 977, കോഴിക്കോട് 942, കൊല്ലം 812, തൃശൂര് 808, ആലപ്പുഴ 679, പാലക്കാട് 631, കണ്ണൂര് 519, കോട്ടയം 442, കാസര്ഗോഡ് 321, പത്തനംതിട്ട 286, വയനാട് 214, ഇടുക്കി 157 എന്നിങ്ങനെയാണ് മറ്റു ജില്ലകളിലെ കണക്ക്.
23 മരണങ്ങള് കോവിഡ് മൂലമാണെന്ന് സ്ഥിരീകരിച്ചു. ഇതോടെ സംസ്ഥാനത്തെ കോവിഡ് മരണങ്ങള് 742 ആയി. ഇന്ന് രോഗം സ്ഥിരീകരിച്ചവരില് 58 പേര് വിദേശ രാജ്യങ്ങളില് നിന്നും 164 പേര് മറ്റ് സംസ്ഥാനങ്ങളില് നിന്നും വന്നതാണ്. സമ്പര്ക്ക രോഗബാധിതരില് 784 പേരുടെ രോഗ ഉറവിടം വ്യക്തമല്ല. 123 ആരോഗ്യ പ്രവര്ത്തകര്ക്കും ഇന്ന് രോഗം സ്ഥിരീകരിച്ചു. ചികിത്സയിലായിരുന്ന 3536 പേരുടെ പരിശോധനാഫലം നെഗറ്റീവ് ആയി. ഇതോടെ 67,061 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 1,28,224 പേര് ഇതുവരെ കോവിഡില് നിന്നും മുക്തി നേടി.
വിവിധ ജില്ലകളിലായി 2,40,884 പേരാണ് ഇപ്പോള് നിരീക്ഷണത്തിലുള്ളത്. കഴിഞ്ഞ 24 മണിക്കൂറിനിടെ 63,682 സാമ്പിളുകള് പരിശോധിച്ചു. ഇന്ന് 15 പുതിയ ഹോട്ട് സ്പോട്ടുകളാണുള്ളത്. 15 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കിയിട്ടുണ്ട്. ഇതോടെ നിലവില് 660 ഹോട്ട് സ്പോട്ടുകളാണ് സംസ്ഥാനത്തുള്ളത്.